رز بالروبيان خفيف ولذيذ
المقادير
روبيان منظف ومغسول
طماطم مقطعه مكعبات
بصل مقطع صغار
فلفل اخضر مقطع مكعبات
بهارات حب ( هيل -دارسين او قرفه -مسمار )
بهار بحريات اللي ماعندها عادي تحط بهار منوع - فلفل اسود
رز مغسول
الطريقه
احط البصل مع زبده وشوي زيت حتى ماتحترق الزبده مع البهارات الحب لين تذبل
اذا ذبلت احط البهارات واحرك شوي
احط الروبيان واقلب لين يطلع ماي بعدين اضيف مكعبات الطماطم و الفلفل الاخضر البارد
اذا نضج الروبيان
اصب عليه مقدار ماي يناسب كميه الرز
يختلف من نوع رز ل الثاني بس غالبا لكل كاس رز كاسين ماي ( اهم شي يكون المقياس بنفس الكاس ) ولكل كاس رز ملعقه طعام ملح
المهم اخلي الماي لين يغلي بعدين اضيف الملح و الرز واخليه ع نار عالين لين يبتدي يقل الماي شوي
بعدين ع نار هاديه جدا لين يجف ويزين بالبقدونس عند التقديم وبس
للمزيد من الوصفات زوروا موقعنا مطبخ كويتيات
رز بالروبيان خفيف ولذيذ
ليست هناك تعليقات:
إرسال تعليق