- أغلبيه الحريم غافلين عن أهمية ال 6 إلى 8 أسابيع اللي تيي بعد الولادة أو نسميها فترة النفاس فنلقى فئه من الحريم يبون يسوون ميك اووڤر أو يتبعون أنظمة قاسيه للنزول خلال هالفتره وفئه ثانيه ماخذين راحتهم عالآخر طول هالفتره أكل ونوم والفئتين طبعاً غلط
الجسم في هاذي الفتره قاعد يصلح ويبني نفسه من يديد...الرحم يبدأ يرد لحجمه الطبيعي تدريجياً، العضلات محتاجه لدعم وتقويه بعد الحمل اللي كانت شايلته، الجروح تاخذ وقتها للشفاء، التغييرات الهرمونيه والتعب اللي حاسه فيه يبيله اهتمام غذائي وجسدي ونفسي
قبل لا أقولكم بعض الأكلات المهمة خلال هالفترة لابد تعرفون شنو يحتاج جسمكم وليش يحتاجه:
🚩بروتينات: علشان يصلح الخلايا والعضلات
🚩كربوهيدرات: علشان تمدج بالطاقه
🚩دهون: وأقصد فيها الدهون المفيدة لتعديل المزاج والهرمونات
🚩الحديد: لتعويض النقص من النزيف
🚩فيتامين سي: لتقوية المناعه ودعم الجسم
🚩ألياف: لتجنب الإمساك
🚩فيتامينات بي: لتقويه الدم وتجنب الإكتئاب
🚩كالسيوم وفيتامين د: لتقويه العظام ودعم الرضاعه
الحين نيي لبعض الأكلات المهمة خلال النفاس:
📍السالمون المشوي (حصتين بالاسبوع) غير إن فيه بروتين يحتوي أيضاً على أوميجا 3 وفيتامين د
📍الحليب أو الروب أو اللبن تحتاجين 3 أكواب باليوم
📍لحوم قليله الدسم مثل صدر الدجاج المشوي أو اللحم المنزوع الشحم تحتاجين حصتين إلى 3 باليوم
📍الحبوب السمراء او حبوب القمح الكامل مثل الرز الاسمر أو المعكرونيه السمرا غير إنها عالية بالألياف أيضاً فيها حديد وتساعد بسرعه الشبع
📍البقوليات مثل الجريش والعدس والنخي غنيين بالحديد والألياف والبروتينات
📍البيض فيه فيتامين د والدهون المفيده
📍الموز لأنه يساعد على النوم وافراز هرمون السعاده والمغنيسيوم اللي فيه يخفف من التقلصات بهالفتره
📍بذور القرع أيضاً يحتوي على مغنيسيوم ويحفز هرمون السعاده ويقلل من احتباس السوائل
📍الكينوا فيها فيتامينات بي وعاليه بالبروتين والألياف فهي تعدل المزاج وتساعد بالشبع
📍الماء مهم جداً جداً للوقايه من الجفاف والإمساك واحتباس السوائل خلال هالفتره
📍شاي البابونج والينسون للمساعده على الاسترخاء
📍الفواكه الحمضيه مثل البرتقال أو الفراوله او التوت البري أو الكيوي أو الجوافه أو الطماط عاليين بفيتامينات سي واي والألياف
📍يفضل تجنب الحلويات أو المأكولات الدسمة لأنها بتزيد الطين بله غير زيادتها للوزن بتزيد التقلصات وتؤدي للكآبه والمزاجيه والأرق يعني بلاش عصيده وبسبوسه وتمريه ومعجنات
الجسم في هاذي الفتره قاعد يصلح ويبني نفسه من يديد...الرحم يبدأ يرد لحجمه الطبيعي تدريجياً، العضلات محتاجه لدعم وتقويه بعد الحمل اللي كانت شايلته، الجروح تاخذ وقتها للشفاء، التغييرات الهرمونيه والتعب اللي حاسه فيه يبيله اهتمام غذائي وجسدي ونفسي
قبل لا أقولكم بعض الأكلات المهمة خلال هالفترة لابد تعرفون شنو يحتاج جسمكم وليش يحتاجه:
🚩بروتينات: علشان يصلح الخلايا والعضلات
🚩كربوهيدرات: علشان تمدج بالطاقه
🚩دهون: وأقصد فيها الدهون المفيدة لتعديل المزاج والهرمونات
🚩الحديد: لتعويض النقص من النزيف
🚩فيتامين سي: لتقوية المناعه ودعم الجسم
🚩ألياف: لتجنب الإمساك
🚩فيتامينات بي: لتقويه الدم وتجنب الإكتئاب
🚩كالسيوم وفيتامين د: لتقويه العظام ودعم الرضاعه
الحين نيي لبعض الأكلات المهمة خلال النفاس:
📍السالمون المشوي (حصتين بالاسبوع) غير إن فيه بروتين يحتوي أيضاً على أوميجا 3 وفيتامين د
📍الحليب أو الروب أو اللبن تحتاجين 3 أكواب باليوم
📍لحوم قليله الدسم مثل صدر الدجاج المشوي أو اللحم المنزوع الشحم تحتاجين حصتين إلى 3 باليوم
📍الحبوب السمراء او حبوب القمح الكامل مثل الرز الاسمر أو المعكرونيه السمرا غير إنها عالية بالألياف أيضاً فيها حديد وتساعد بسرعه الشبع
📍البقوليات مثل الجريش والعدس والنخي غنيين بالحديد والألياف والبروتينات
📍البيض فيه فيتامين د والدهون المفيده
📍الموز لأنه يساعد على النوم وافراز هرمون السعاده والمغنيسيوم اللي فيه يخفف من التقلصات بهالفتره
📍بذور القرع أيضاً يحتوي على مغنيسيوم ويحفز هرمون السعاده ويقلل من احتباس السوائل
📍الكينوا فيها فيتامينات بي وعاليه بالبروتين والألياف فهي تعدل المزاج وتساعد بالشبع
📍الماء مهم جداً جداً للوقايه من الجفاف والإمساك واحتباس السوائل خلال هالفتره
📍شاي البابونج والينسون للمساعده على الاسترخاء
📍الفواكه الحمضيه مثل البرتقال أو الفراوله او التوت البري أو الكيوي أو الجوافه أو الطماط عاليين بفيتامينات سي واي والألياف
📍يفضل تجنب الحلويات أو المأكولات الدسمة لأنها بتزيد الطين بله غير زيادتها للوزن بتزيد التقلصات وتؤدي للكآبه والمزاجيه والأرق يعني بلاش عصيده وبسبوسه وتمريه ومعجنات
أكلات مهمة أثناء النفاس
ليست هناك تعليقات:
إرسال تعليق