طاجن الروبيان بالفرن
المقادير :
روبيان منظف الظهر ومغسول
طماطم مقطعه قطع صغيره
فلفل اخضر بارد مقطع حلقات
ملح
فلفل اسود
عصير ليمون
بهار بحريات واللي ماعنده يحط بهار منوع الموجود عنده
فصوص ثوم
بصل مفروم
زيت زيتون
كزبره وبقدونس مفروم
الطريقه
ينظف الروبيان ويغسل ثم يتبل ب
الليمون – زيت الزيتون-فلفل اسود-بهار بحريات-ثوم-ملح ونخليه ع جنب
نحط البصل ع النار مع شوي زيت زيتون واقلب بس مجرد يذبل واحط الثوم
احط مكعبات الطماطم وشوي فلفل اسود وملح واقلب لين يذبل شوي
بعدين احط البقدونس و الكزبره واخليها تتسبك شويه بس
بعدين احطها في صينيه
واحط الروبيان مع التتبيله فوق الصلصله واحط حلقات فلفل اخضر بارد وفلفل حار كامل عند الرغبه و اغلفها بالقصدير وادخلها الفرن من تحت بس لمده ٢٥ دقيقه تقريبا
بعدين خمس دقايق من فوق يتحمر ويقدم مع رز ابيض .. وبس
للمزيد من الوصفات زوروا موقعنا مطبخ كويتيات
طاجن الروبيان بالفرن
ليست هناك تعليقات:
إرسال تعليق